طاجين البذنجان من مطبخ رحوقة

من طرف **ايمان** الأحد يناير 29, 2012 8:16 pm

امس درتلهم جلبانة بلي بول في الغداء و زدت معاها طجين البذنجان جاء روعة
المقادير:
5حبات باذنجان متوسطين مقصوصين دوائر
لحم مرحي
معدنوس
عضام حسب الحاجة انا استعملت 4 حبات
ملح
ثوم + فاح انا عندي مخلط ثوم و فاح و تقدري ديري غير شوم و فلفل اكحل
شوي بصل
و زيت
فرماج الشاف
فرماج رابي تقدري تستغني على نوع منهم و لا عليهم بين زوج
التحضير:
نقلو دوائر البيضنجان و و نخلوهم فوق ورق ماص باه يتشرب الزيت لانه البيذنجان يمص الزيت ياسر و نحطه اللحم المرحي مع شوي ملح و الفاح و شوي بصل نقلوهم بشوي زيت و نضيفو المعدنوس ليهم من بعد نطفو عليهم النار
و نجيبو مول تاعنا نديرو طبقة تاع بيضنجان و حاولو ما تخلوش الفراغات و فوقها طبقة تاع خليط اللحم و ديرو مربعات تاع فورماج بين الخليط و نغطوه بطبقة ثانية من البيذنجان بنفس الطريقة من بعد نصبو فوقها العضام للعلم انا صبيت شوي بعضام فوق الطبقة الاولى و درت الخليط من بعد نذرو الفورماج رابي و ندخلوه للفور حتى تجمد العضام و نخرجوه نقطعوه و توكلوه بالصحة و الهناء راه طعمها رائع
شوفو الصور

[ندعوك للتسجيل في المنتدى أو التعريف بنفسك لمعاينة هذه الصورة]

من طرف **قطيطوشة** الإثنين يناير 30, 2012 10:23 am

شكرا رحوقة على الطبق لي باين بنين
أنا ندير واحد يشبهلو مي مع اللحم المرحي ندير طماطم وتجي كي شغل صوص تقيلة
وندير طبقات مانديرش لعضام ندير فرماج وكرام فراش وشوية فلفل اكحل نخلطهم مليح ونصب من الفوق هادي ااسمها موساكا