ملوخية من مطبخي في خاطر قطوط

سلام بنات اليوم طيبت ملوخية للغداء في خاطر قطوط و صفصوف لانهم يحبوها
دون اطالة نعطيكم الطريقة:
المقادير:
باكية تاع ملوخية الذواقة المقدار لعائلة اكثر من 6 افراد لاقل يكفي زوج مغارف كبار
لحم حسب عدد الافراد
بصل - ثوم مهرس مع الفاح - زيت - ملح - حبة طماطم - فلفل حار
التحضير :
قبل القيام باي خطوة نحطو مقدار تاع ماء يغلي انا حطيت برمة ناقصها شوي و تتعمر
في كاسرول نحطو الملوخية تاعناhttp://store3.up-00.com/May11/WT997882.jpg
ثم نصبو فوقها زيت المائدة و نحركو حتى تتحل فيه تجي كيما هكا
[ندعوك للتسجيل في المنتدى أو التعريف بنفسك لمعاينة هذا الرابط]
نحطوها تتقلى شوي ثم نضيفولها اللحم و الثوم المهرس مع الفاح و البصل و الملح و نخلوها تتقلى يكون الماء على نصبوه فوقها وديرو حساب انه الماء ينضاف ليها مرة وحدة يسمى الماء الي تصبيه ديري حسابك انه يكون كافي و ترمي فيها حبة الطماطم و راس الفلفل الحار و ما تخافيش ما تجيش حارة ياسر للي ما يحبش الحار
[ندعوك للتسجيل في المنتدى أو التعريف بنفسك لمعاينة هذا الرابط]
و تحركيها و تخليها طيب حتى تنشف و تخرج زيتها اي انه تلاحظي فوقها طبقة من الزيت على شكل بقع ثم طفي عليها وتحطيها في صحن التقديم و تقدري تعصري فوقها نصف تاع قارص و بالصحة و الهناء

[ندعوك للتسجيل في المنتدى أو التعريف بنفسك لمعاينة هذه الصورة]

أالف الف شكر إيمان
ربي يخليك
راكي كنتي عند وعدك وحضرتيلي الملوخية

تمنيتك قريبة راني بعثتهالك حنونة جربيها راي مليحة و ساهلة

نموت على الملوخية اممممممممم عندي شحال ماطيبتهاش فكرتيني فيها