سلاطة لسان الطير من مطبخي

اليوم جبتلكم وصفة خفيفة ظريفة و توالم الصيف
عندكم الحرية في المقادير، الأساس ديالها هو لسان الطير أي التليتلي

المقادير: 500 غ لسان الطير ( حسب عدد أفراد العائلة زيدي أو نقصي)
3 حبات بيض مغليين
1 حبة فلفل أخضر حلو تكون كبيرة ماشي مطبوخة و مقطعة مكعبات صغيرة ( إذا كان موجود فلفل ملون راح يكون أحسن باش تنوعي )
2 علب طون تاع الزيت
و التتبيلة كالعادة زيت+ خل + ملح
أنا هذا واش إستعملت ، تحبي تضيفي واش تحبي زيتون أسود مقطع شرائح، الكاشير قطع صغيرة

بعدما تطيبي التليتلي في الماء و الملح و شوية زيت، صفيه و حطيه في طبق كبير و أضيفيله كل المقادير و خليط كلش

و قدميه دافئ أحسن شيء

[ندعوك للتسجيل في المنتدى أو التعريف بنفسك لمعاينة هذه الصورة]




و شهية طيبة

الله يبارك اول مرة نشوف لسان الطير سلاطة

يعطيك الصحة يا الفحلة

باينة بلى بنينة
الله يعطيك الصحة

شكرا وسول

نفس الطريقة في بلاصة لسان العصفور ندير الدويدة تخرج هايلة بالصح لازملها المايونيز

حقا انا نعرف انو لسان الطير وحدو والتلتلي وحدو :|

شكرا على الوصفة الصيفية لي تصلح للخدامات كي حالتي يديوها معاهم للخدمة
انا في بلاصة لسان الطير ندير المقارونة لي جاية على شكل فراشات او لي كيف الروسور

وسول يعطيك الصحة حنونة ربي يخليك يا لحبيبة ومرحبا بيك

بارك الله فيك موالفة نديرها بالمقارون

يعطيك الصحة