ما هي انعكسات العمل عليك؟

العديد من الفتياة في مرحلة الدراسة يحلمن بالتخرج و التوظيف و عليه فهن يسطرن احلاما وردية يحققها لهن العمل و عند دخول الميدان العديد منهن تفاجئن بان العمل ليس ذلك المصباح السحري الذي تمنين الحصول عليه و انه كما يوفر لهن المال و الجاه فانه ياخذ منهن العديد من الاشياء خاصة العاملة في الادارة حيث تصبح ملكا لعملها جل وقتها في العمل كيف لا فالوظيف العمومي ساعات العمل به تبدا من 8 صباحا الي 5 مساء كما انه توجد هناك قطاعات تعمل بها المراة في شكل مداومة اللليلة كما هو الحال في المستشفيات و اقسام الشرطة فما هي انعكاسات العمل على المراة؟ وماهي اثاره السلبية التي لحقت بها؟
و كي لا نعطي صورة سوداء على عمل المراة فما هي اهم الاشياء التي اكتسبتها المراة من عملها؟
الموضوع للتحليل و المناقش في انتظار تفاعلاتكن لكن مني مليون تحية و ترليون سلام

والله هلكتني الخدمة

ربي يعاونك يا الحبيبة انا نساتني روحي و عقدتني قريب نولي روبو

السلام عليكم ورحمة الله وبركاته
صح إيمان رانا كنا كامل نحلمو بالتخرج باش نخدمو ونوليو عندنا استقلالية في المال
بصح كي خدمنا شفنا تأثير الخدمة على المراة العاملة خاصة لي تخدم في إدارة
أنا مثلا خدامة في إدارة نخدم مع رجال نقلك أختي كرهت هاد الخدمة لانك راح تفقدي جزء من انوثتك وهيبتك مهما تحاولي تحافضي عليها
هدا بلاماندكر الحس والستراس لي ديرو الخدمة في مثل هاد الضروف...والتعب والوقت ماكانش حتى باش تقضي امورك ولا تخرجي كواغط. اااااااااااااااااااااااااااايييييييييييييييييي

ولكن كاين جانب آخر مليح كي نتفكر نحمد ربي 1000 مرة ولي هو جنب المصروف خاصة اني نجهز في روحي ولولا خدمتي راني حصلت
ربي يهني الجميع ويريح بالهم

والله يا بنات كنت نحلم نخدم والان نحوس على الراحة
اريد ان ارتاححححححححححححححححححح
هههههههههههههههههههههههه

انا تاني حلمت بالخدمة بعد التخرج و كي خدمت ادماج حلمت بالترسام قلت بلاك المشاكل الي لقيتهم في الخدمة بسبب اني مؤقته يعني الجميع راح يستغلني للاسف ترسمت و المشاكل و المصاعب زادت نبداها من الوقت الي خلاص ولى عملة نادرة نفوتوا للهيبة تاع المراة كيما قالت قطيطوشة نخدم في بلاصة فيها رجال مهما درت حدود و مهما حافظتي على نفسك باه ما يحكوش معاك و كلش يفشل انا حسيت روحي وليت الة وليت نوكل بره نورمال كلش ولى روتيني عندي كرهت الدخاسة و الاختلاط مع انه نتعامل مع الرجال الي معايا بالصرامة بالصح و الله ما نفعت كاين وجوه البخص و كاين الي ناس ملاح يسمى كي يحكي معايا عيب نحقروا حاجة اخرى الاحلام و الروح الي كانت فيا حسيتها ماتت مام الضحك و ليت نحسه اصفر كي نضحك ما نحسوش من قلبي وكون نبدا نشكي من الدمار تاع الخدمة نكرهكم في كلش
الحاجة الوحيدة الي استقدت منها هي الدراهم خاصة و انه نجهز و نصرف على روحي ضرك اكثر من عام ملي بديت ما حكمتش من عند والديا دورو

انا تخرجت برك في جوان ومازال مااستلمتش الخدمة .
علابالي رايحة نلقا صعوبة مي نتمنى نقدر على هاد الشي.