هل فكرتن بالابناء

السلام عليكن ورحمة الله تعالى وبركاته
اليوم اردت ان اطرح هذا الموضوع لانه يشغل تفكيري دائما
كل منا يقرا المجلات والجرائد ويشاهد التلفاز والكل يقف وقفة تاسف واشمئزاز من كل ما نراه ونقراه او ربما نعيشه في محيطنا اليوم
من مظاهر استغلال واعتداء على الاطفال
ولعل كل واحدة منا فكرة في تلك اللحظة كيف تحمي ابنها او ابنتها القادمة ((ان شاء الله)) من هذه الظواهر المخيفة
وربما تتخيل لوهلة بانه لا يوجد احد تؤمنه على اولادها غير ها هي وزوجها
لذلك نجد عائق العمل امامنا
تخيلي نفسك الان ام وبين يديك ابن او ابنة وغدا ستذهبين الى العمل
كيف تتصرفين؟ وماذا ستختارين ؟ الابناء وصحتهم وعافيتهم وتربيتهم على الخلق والدين وحمايتهم من كل ما يتعرض حياتهم ؟ام العمل والمال والاستقلالية
المادية؟

وعليكم السلام ورحمة الله وبركاته
والله يا وئام راكي حطيتي يدك على الجرح
كل امراة عاملة راهي تعاني من هاد المشكل وانا راني نشوف فيه مع زميلاتي المتزوجين
بالطبع اي واحدة تفكر في هدا الموضوع وكون ربي يرزقها ان شاء الله باطفال كيفاش راح دير
انا كاي واحدة عاملة راح تخمم اما تخلي وليدها عند امها وعجوزتها وهدا اامن مكان بصح بالطبع انا نخمم اذا تحتمت ووجدت عائق فإني اختار الجلوس في البيت وتربية الاطفال

وئا هذا المشكل نرقد بيه و النوض بيه مع انه مازال ما زوجتش نفكر واش ذنبه الطفل الي راح نجيبه يعيش بعيد عليا خاصة و انه نعمل من 8 ال 5 يعني نخليه راقد نجي نلقاه راح يرقد واش ادى من حناني انا ضرك ما نلومش الي يكبرو يرمو والديهم لانهم هوما هملوهم في الصغر مهما كان حنان الجدة ما يجيش كي حنان الام انا نفكر كي ولادي يولو يقراو شكون يستناهم قدام الباب و يوجد ليهم الغداء و يسقسيهم واش درتو كيما كانت ماما دير الموضوع صعيب بالصح انا راح نخير راجلي وولادي باذن الله بعد الزواج راح نحبس الخدمة و هذا قرار نهائي

انا نفس الشيء نرقد ونفطن عيه مي المشكل ما هوش لتم
انا والله ما نقدر نخدم ونخلي ولادي الور ابنائي اولى من كل شيء